🙏🏻🙏🏻🙏🏻🙏🏻

જ્યારે ગાંધીબાપુનાં પૌત્ર તુષારે શરાબના રાજા માલીયાને ઇંગ્લંડની હરાજીમાંથી ચશ્મા
ચંપલ અને થાળી વાટકા  ખરીદવાની અપીલ કરી ત્યારે એક ભારતીય તરીકે
શરમથી મારું માથું ઝૂકી ગયું …
એ માલીયા અય્યાશે પંજાબ બેંકમાથી ૯ કરોડ ચૂકવી  એ ચપ્પલ ચશ્મા ને થાળી  વાટકા
ગાંધી પ્રતિષ્ઠાનને આપી દીધા…પંજાબ બેંકનું મોટું ફુલેકુ ફેરવ્યા પહેલાં…
……હવે મારી ત્રણનાની રચના…(જેને પ્રથમ પારિતોષિક  મળ્યું હતું …)

૧…

સોરી તુષાર,

થાળી વાટકા ચંપલ વગર

ગાંધી યાદ ન આવે?

તારા માટે શરાબના રાજા માલ્યાએ

બેંકમાથી પૈસા ઉપાડી

એક મીનીટમા  ગાંધીજીને ખરીદી લીધા

નવ કરોડમાં  ખરીદી લીધા…

હરખ હવે તું હિંદુસ્તાન ….

૨
બાપુએ  માલ્યાને પુછ્યુ

મને કહો મેરે આકા

હવે મારે ચશ્માથી શું જોવાનું છે

થાળી વાટકે મારે શું ખાવાનું છે

ચપ્પલ પહેરીને મારે ક્યાં જવાનું છે?

ક્યારે પાછા આવી જવાનું છે ?

૩…

સ્વર્ગમાં જીવણ જૂગારીને

ગાંધી બાપાએ  આંખ મારી

“જો જીવણા,

આ મારા ચશ્મા થાળી વાટકાના

નવ કરોડ આવે …

તો મારા કેટલા આવે?”

જીવણાએ બાપુ ને કહ્યું

“બાપુ તમારૂ કંઇ ન આવે

તમે થોડી જણસ છો ?”

ચંદ્રકાંત