Posted in ભક્તિ ગીત - Bhakti Geet

बता मेरे यार सुदामा रे,


बता मेरे यार सुदामा रे,
भाई घणे दीना में आया।।

बालक था रे जब आया करता,
रोज खेल के जाया करता,
हुई के तकरार सुदामा रे,
भाई घणे दीना में आया,
बता मेरे यार सुदामा रे,
भाई घणे दीना में आया।।

म्हणे सुणा कुटुंब कहाणी,
क्यों कर पड़ गई ठोकर खाणी,
रे म्हणे सुणा कुटुंब कहाणी,
क्यों कर पड़ गई ठोकर खाणी,
टोटे की मार सुदामा रे,
भाई घणे दीना में आया,
बता मेरे यार सूदामा रे,
भाई घणे दीना में आया।।

सब बच्चो का हाल सुणा दे,
मिश्राणी की बात बता दे,
सब बच्चो का हाल सुणा दे,
मिश्राणी की बात बता दे,
रे क्यों गया हार सुदामा रे,
भाई घणे दीना में आया,
बता मेरे यार सूदामा रे,
भाई घणे दीना में आया।।

चहिये थारे तने पहलेम आणा,
इतना दुःख नही पड़ता उठाणा,
चहिये थारे तने पहलेम आणा,
इतना दुःख नही पड़ता ठाणा,
क्यों भुला प्यार सुदामा रे,
भाई घणे दीना में आया,
बता मेरे यार सूदामा रे,
भाई घणे दीना में आया।।

इब भी आगया ठीक बखत पे,
आजा बेठ जा मेरे तखत पे,
ओ जिगरी यार सुदामा रे,
भाई घणे दीना में आया,
बता मेरे यार सुदामा रे,
भाई घणे दीना में आया।।

आजा भगत छाती के ल्यालु,
इब बता तने कड़े बिठालु,
करूँ साहूकार सुदामा रे,
भाई घणे दीना में आया,
बता मेरे यार सुदामा रे,
भाई घणे दीना में आया।।

Singer : Vidhi
Chorus : Muskan, Isha, Rinku, Manisha,
Music : Somesh Jangda

Advertisements
Posted in ભક્તિ ગીત - Bhakti Geet

પાર્થને કહો ચડાવે બાણ


પાર્થને કહો ચડાવે બાણ

પાર્થને કહો ચડાવે બાણ,
હવે તો યુદ્ધ એ જ કલ્યાણ;
કહો, કુંતાની છે એ આણ:
પાર્થને કહો ચડાવે બાણ.

ભીખ્યાં, ભટક્યાં, વિષ્ટિ, વિનવણી,
કીધાં સુજનનાં કર્મ;
આર્યસુજનતા દૈન્ય ગણી તો
યુદ્ધ એ જ યુગધર્મ:
સજીવન થાય પડ્યાયે પ્હાણ;
પાર્થને કહો ચડાવે બાણ.

દ્રૌપદીની હજી વેણ છૂટી છે,
રાજસભાના બોલ :
રણનોતરાંના ઉત્તર દેજો
રણધીરને રણઢોલ:
પાર્થની પ્રત્યંચાને વાણ:
પાર્થને કહો ચડાવે બાણ.

મેહુલો બોલે, વાયુ હુંકારે,
ત્યમ તલપો સિંહબાળ !
યુગપલટાના પદ પડછન્દે
ગજવો ઘોર ત્રિકાળ:
સજો શિર વીર ! હવે શિરત્રાણ:
પાર્થને કહો ચડાવે બાણ.

નૃલોક જોશે, કાળ નીરખશે
રણરમતો મુજ વંશ;
સત શીલ ને ધર્મયજ્ઞમાં
હજો વિશ્વવિધ્વંસ;
ઊગે જો ! નભ નવયુગનો ભાણ:
પાર્થને કહો ચડાવે બાણ;

વિધિનાં એ જ મહાનિર્માણ:
પાર્થને કહો ચડાવે બાણ.

 – મહાકવિ નાનાલાલ

Posted in ભક્તિ ગીત - Bhakti Geet

અખો – Akho (અખા ભગત – Akha Bhagat)


અખા ના છપ્પા
“  ભાષાને શું વળગે ભૂર ?
જે રણમાં જીતે તે શુર,
સંસ્કૃત બોલે તે શું થયું?
કાંઈ પકૃતથી નાસી ગયું ?  ”
“  બ્રહ્માણ, ક્ષત્રિય, વૈશ્ય ને શુદ્ર,
એ હરિનો પિંડ અખા કોણ ક્ષુદ્ર ?
અખે રામ એવો ઓળખ્યો,
જે કાગળમેશ ન જાયે લખ્યો.  ”
“  તિલક કરતા ત્રેપન થયાં,
જપમાલાના નાકાં ગયાં,
તીરથ ફરી ફરી થાક્યાં ચરણ,
તોય ન પોહોશો હારીને શરણ.  ”
“  એક મૂરખને એવી ટેવ ,
પથ્થર એટલા પૂજે દેવ ,
પાણી દેખી કરે સ્નાન ,
તુલસી દેખી તોડે પાન.
એ અખા બહુ ઉતપાત ,
ઘણા પરમેશ્વર એ ક્યાંની વાત?  ”
Posted in ભક્તિ ગીત - Bhakti Geet

અખિલ બ્રહ્માંડમાં એક તું શ્રીહરિ,


અખિલ બ્રહ્માંડમાં એક તું શ્રીહરિ,
જૂજવે રૂપે અનંત ભાસે;
દેહમાં દેવ તું, તેજમાં તત્વ તું,
શૂન્યમાં શબ્દ થઈ વેદ વાસે.
અખિલ બ્રહ્માંડમાં એક તું શ્રીહરિ

પવન તું, પાણી તું, ભૂમિ તું ભૂધરા,
વૃક્ષ થઈ ફૂલી રહ્યો આકાશે;
વિવિધ રચના કરી અનેક રસ ચાખવા,
શિવ થકી જીવ થયો એ જ આશે.
અખિલ બ્રહ્માંડમાં એક તું શ્રીહરિ

વેદ તો એમ વદે શ્રુતિ-સ્મૃતિ શાખ દે,
કનક કુંડલ વિષે ભેદ ન હોયે;
ઘાટ ઘડિયા પછી નામરૂપ જૂજવાં,
અંતે તો હેમનું હેમ હોયે.
અખિલ બ્રહ્માંડમાં એક તું શ્રીહરિ

ગ્રંન્થે ગડબડ કરી, વાત ન ખરી કહી
જેહને જે ગમે તેને તે પૂજે
મન-વચન-કર્મથી આપ માની લહે
સત્ય છે એ જ મન એમ સૂઝે
અખિલ બ્રહ્માંડમાં એક તું શ્રીહરિ

વૃક્ષમાં બીજ તું, બીજમાં વૃક્ષ તું,
જોઉં પટંતરો એ જ પાસે;
ભણે નરસૈંયો એ મન તણી શોધના,
પ્રીત કરું પ્રેમથી પ્રગટ થાશે. અખિલ બ્રહ્માંડમાં એક તું શ્રીહરિ

નરસિંહ મહેતા

Posted in ભક્તિ ગીત - Bhakti Geet

માધવ ક્યાંય નથી મધુવનમાં


માધવ ક્યાંય નથી મધુવનમાં

ફૂલ કહે ભમરાને
ભમરો વાત વહે ગુંજનમાં
માધવ ક્યાંય નથી મધુવનમાં

કાલિન્દીના  જલ  પર  ઝૂકી પૂછે કદંબડાળી
યાદ તને બેસી અહીં વેણુ વાતા'તા વનમાળી

લહર વમળને કહે
વમળ એ વાત સ્મરે સ્પંદનમાં
માધવ  ક્યાંય નથી મધુવનમાં

કોઈ ન માગે દાણ  કોઈની આણ ન વાટે ફરતી
હવે કોઈ લજ્જાથી હસતાં રાવ કદી ક્યાં કરતી

નંદ કહે જશુમતીને
માતા વ્હાલ  ઝરે  લોચનમાં
માધવ ક્યાંય નથી મધુવનમાં

શિર પર ગોરસ મટુકી
મારી વાટ ન કેમે ખૂટી
અબ લગ કંકર એક ન લાગ્યો
ગયાં ભાગ્ય મુજ ફૂટી

કાજળ કહે આંખોને
આંખો વાત  વહે અંશુવનમાં
માધવ ક્યાંય નથી મધુવનમાં
- હરીન્દ્ર દવે