તુંબડું જે એક પ્રકાર નું ફળ છે જે કડવું હોઈ છે

સબ તીરથ કર આઈ તુંબડીયાં…
સબ તીરથ કર આઈ
ગંગા નાઈ ગોમતિ નાઈ
અડસઠ તીરથ ધાઈ
નિત નિત ઉઠ મંદિરમેં આઈ
તો ભી ન ગઈ કડવાઇ
તુંબડીયાં સબ તીરથ કર આઈ….


સત્ ગુરુ સંકટે નજર ચડી જબ
અપને પાસ મંગાઈ
કાટ-કૂટ કર સાફ બનાઈ
અંદર રાખ મિલાઈ
તુંબડીયાં સબ તીરથ કર આઈ….


રાખ મિલાકર પાક બનાઈ
તબ તો ગઈ કડવાઈ
અર્મૃત જલ ભર લાઈ
સંતન કે મન ભાઈ
તુંબડીયાં સબ તીરથ કર આઈ….


યે બાતા સબ સત્ય સુનાઈ જુઠ્ઠ નહિ હૈ મેરે ભાઈ
દાસ સતાર તુંબડીયાં ફિર તો
કરતી ફીરે ઠકુરાઈ
તુંબડીયાં સબ તીરથ કર આઈ

હથેળી મા વાળ નહી

હથેળી મા વાળ નહી

ગધેડા ને ગાળ નહી

ઉંદર ને ઉચાળો નહી

મિંદડી ને માળો નહી

કુવારા ને સાળો નહીઅને કયાય હંસ કાળો નહી

સંસારી ને ભેખ નહી

મરણ મા કેક નહી

સાઇકલ મા જેક નહીઅને વાંઢા ને બ્રેક નહી

કડી ઉપર તાળુ નહી

લાડુ ઉપર વાળુ નહી

કોટ ઉપર શાલ નહી

બખતર ઉપર ઢાલ નહી

કેરડા મા પાન નહીઅને ઘર જમાય ને માન નહી

કુતરાની પૂછડી સિધી નહીઅને કજીયામા વિધિ નહી

ડૂંગરા નરમ નહી

ગુલફિ ગરમ નહી

પાપી ને ધરમ નહીઅને દિગંબર ને શરમ નહી

ફળ ફુલ મા કયાય હાંધો નહી

અને હવે તમે

Share this:

લીમડાને આવી ગ્યો તાવ

લીમડાના દાદા ક્યે કહી કહી ને થાકી ગ્યો,

જાવ હજી ફાસ્ટફૂડ ખાવ.

ટી-શર્ટ ને જીન્સવાળી માંજરી બિલાડી ક્યે આપણને દૂધ નહીં ફાવે !

પીત્ઝા ને બર્ગરની આખ્ખી આ પેઢીને રોટલી ને શાક ક્યાંથી ભાવે ?

વર્ષોથી બોટલમાં કેદી થઈ સડતા એ પીણાને પીવો ને પાવ.

જાવ હજી ફાસ્ટફૂડ ખાવ.

અપ ટુ ડેટ કાગડા ને કાગડીયું માઈકમાં મંડી પડ્યા છે કાંઈ ગાવા !

કંઈ પણ ભીંજાય નહી એવા ખાબોચીયામાં નીકળી પડ્યા છો તમે ન્હાવા ?

કૂંપળના ગીત લીલા પડતા મૂકીને ગાવ રીમિક્સના ગાણાઓ ગાવ.

જાવ હજી ફાસ્ટફૂડ ખાવ.

કાન એ કંઈ થૂંકવાનો ખૂણો નથી કે નથી પેટ એ કંઈ કોઈનો ઉકરડો,

આપણા આ ચહેરા પર બીજાના નખ્ખ શેના મારીને જાય છે ઉઝરડો ?

માંદા પડવાનું પોસાય કદિ કોઈને’ય સાંભળ્યા છે ડૉક્ટરના ભાવ ?

લીમડાને આવી ગ્યો તાવ

લીમડાના દાદા ક્યે કહી કહી ને થાકી ગ્યો,

જાવ હજી ફાસ્ટફૂડ ખાવ.

– કૃષ્ણ દવે

Share this:

A language lession:

*અંગ્રેજી V/S શુધ્ધ કાઠિયાવાડી*

અંગ્રેજી : don’t act too smart.!
કાઠિયાવાડી : વાયડીનો થા મા.!!

અંગ્રેજી : He is so Excited.!
કાઠિયાવાડી : આને તો બહુ ભડભડિયો.!!

અંગ્રેજી :He is very intelligent and smart.
કાઠિયાવાડી : એક નંબરનો વાયડો અને દોઢ ડાહ્યો.!!

અંગ્રેજી : His wife is very talented.
કાઠિયાવાડી: પેલાની બૈરી બધાને વેચી ખાય એવી છે..!

અંગ્રેજી : Pardon me, say it again.
કાઠિયાવાડી : હેં..??

અંગ્રેજી :- How can I trust you?
કાઠિયાવાડી:- ખા તારી માના હમ.!

અંગ્રેજી : please take one bite..
કાઠિયાવાડી: લે ખાને ટોપા.!

અંગ્રેજી : Get well soon.
કાઠિયાવાડી :ના રે ના..તું ઇ જ લાગનો સો.

અંગ્રેજી : Terrific.!
કાઠિયાવાડી : સલવાણા…

અંગ્રેજી: mind ur business.
કાઠિયાવાડી : મગજનો આઠડો કર માં….

અંગ્રેજી : Leave me alone.
કાઠિયાવાડી : આધો મરને…

અંગ્રેજી : Please don’t disturb me
કાઠિયાવાડી : પત્તર ખાંડ માં..

અંગ્રેજી :waiter..
કાઠિયાવાડી : એય છોટૂ…

અંગ્રેજી : Prove yourself
કાઠિયાવાડી : ખા તારી માના હમ..!!

Share this:

એક મહિલા પોતાની પરેશાની માટે એક સાધુબાબાને મળવા આશ્રમ ગઈ

બાવાજીએ સારી વાત ધ્યાનથી સાંભળીને કહ્યુ કે બેટા બધુ બરાબર થઈ જશે પરંતુ એના માટે વિધી કરવામા થોડો ખર્ચ થશે

એટલે મહિલા એ પુછ્યુ કે કેટલો થશે ?

બેટા તારી પાસે થી વધુ નહી લઈ શકુ પણ પુરાણોમા ૩૩ કરોડ દેવી દેવતાઓ છે તો બસ એક દેવતા દિઠ એક પૈસો જ દાન કરજે

( મહિલાએ મનોમન ગણત્રી કરી કે આ બાવો ૩૦ લાખ માંગી રહ્યો છે )

એ હોંશિયાર હતી એટલે એણે કહ્યુ કે બરાબર છે
તમે એક પછી એક નામ બોલતા જાઓ અને હુ તમને પૈસા આપતી જઈશ
બાવો ચક્કર ખાઈ ગયો

સ્ત્રીઓને કમજોર ના સમજશો કેમ કે કદાચ ઘણા તો એમના કારણે જ બાવા બન્યા હશે

Share this:

🤣😃

પટેલ સાહેબ બપોરે તેમના વરંડામાં બેઠા હતા ત્યારે અલ્સેશિયન જાતિનો એક મજબૂત બાંધાનો અને ખૂબ જ થાકી ગયેલો કૂતરો ત્યાં પહોંચ્યો.

કૂતરાના ગળામાં એક પટ્ટો પણ હતો. તેને જોઈને પટેલ સાહેબના મનમાં વિચાર આવ્યો કે ચોક્કસ આ કોઈ સારા ઘરનો પાલતુ કૂતરો છે.

જ્યારે તેઓએ તેને બોલાવ્યો, ત્યારે તે તેમની પાસે આવ્યો. પછી જ્યારે તેમણે તેને પ્રેમથી સ્પર્શ કર્યો, ત્યારે તે તેની પૂંછડી હલાવતો ત્યાં બેસી ગયો.

થોડા સમય પછી જ્યારે પટેલ સાહેબ ઉઠીને ઘરની અંદર ગયા ત્યારે તે કૂતરો પણ હોલમાં તેમની પાછળ ગયો અને બારી પાસે પગ ફેલાવીને તેમને જોતા જોતા સૂઈ ગયો.

પટેલ સાહેબ હોલનો દરવાજો બંધ કરીને સોફા પર બેસી ગયા.

લગભગ એક કલાક ઊંઘ્યા પછી, કૂતરો જાગ્યો અને દરવાજા તરફ ગયો. પટેલ સાહેબે ઉભા થઈને દરવાજો ખોલ્યો.

કૂતરો ઘરની બહાર નીકળ્યો અને ક્યાંક જતો રહ્યો.

બીજા દિવસે એ જ સમયે એ જ કૂતરો ફરી આવ્યો. તે બારીની નીચે એક કલાક સૂઈ ગયો અને પછી ચાલ્યો ગયો.

પછી તો તે રોજ આવવા લાગ્યો. આવે, સૂઈ જાય છે અને પછી જાગીને જતો રહે.

પટેલ સાહેબના મનમાં દિન-પ્રતિદિન ઉત્સુકતા વધતી જતી હતી કે આટલો નમ્ર, બુદ્ધિશાળી, વ્યવસ્થિત કૂતરો આખરે કોનો છે અને ક્યાંથી આવે છે?

એક દિવસ પટેલ સાહેબે તેના પટ્ટામાં એક ચિઠ્ઠી બાંધી. જેમાં લખ્યું હતું કે, તમારો કૂતરો રોજ મારા ઘરે આવે છે અને સૂઈ જાય છે. શું તમે આ જાણો છો?

બીજા દિવસે જ્યારે તે કૂતરો આવ્યો, ત્યારે પટેલ સાહેબે જોયું કે તેના પટ્ટામાં અન્ય એક ચિઠ્ઠી બાંધેલી હતી.

તેમણે તે ચિઠ્ઠી કાઢીને વાંચવાનું શરૂ કર્યું. તેમાં લખ્યું હતું કે, આ એક સારા ઘરનો અને ખૂબ જ શાંતિપ્રિય કૂતરો છે અને અમારી સાથે રહે છે.

પરંતુ મારી પત્નીની આખા દિવસની કચકચને કારણે તે ઊંઘી શકતો નથી અને દરરોજ અમારા ઘરેથી ક્યાંક જતો રહે છે.

*જો તમે પરવાનગી આપો તો હું પણ તેની સાથે આવીને તમારા ઘરે થોડો સમય સૂઈ શકું?*

🤣😃😃

Share this:

*પરિણીત પુરૂષો માટેનો એક અઠવાડિયાનો સમર કેમ્પ 😗
*તારીખ: ૦૩/૦૬/૨૦૨૨ થી ૦૬/૦૬/૨૦૨૨.*

પાઠ -૧
બરફની ટ્રે કેવી રીતે ભરવી? ફ્રીજમાં પાછી મુક્તી વખતે પાણીની બોટલ કેમ ભરવી?
સ્લાઈડ શો દ્વારા શીખવાડવામાં આવશે

પાઠ-૨
ધોવાના અને ઈસ્ત્રી માટેના કપડાં જુદા પાડતા શીખવું.
ચિત્રો દ્વારા શીખવાડવામાં આવશે

પાઠ-૩
વસ્તુઓ કેવી રીતે શોધવી?કોઈ જાતની બુમો પાડ્યા વિના સામાન શોધવાની રીતો
ક્લાસમાં પ્રેક્ટિકલ સાથે શીખવાડવામાં આવશે

પાઠ-૪
જિંદગી જીવતા શીખીએ. પત્ની અને માં ના વ્યવહારમા મૂળભૂત અંતર જાણો.
અનુભવી દ્વારા વ્યાખ્યાન

પાઠ-૫
પત્ની શોપિંગ કરે ત્યારે કેવું વર્તન કરવું
તણાવ નિવારણ માટે ધ્યાન શીખવાડવામાં આવશે

પાઠ-૬
પત્ની તથા તેમના પિયરીયાઓની જન્મ તારીખ અને અન્ય તારીખો યાદ રાખવાની સરળ રીતો.
ડેમો સાથે

પાઠ-૭
પત્ની સાથે વિવાદમાં ઉતરી જાઓ તો પછી શું કરવું, તેની રીતો

હોસ્પિટલમાં ભરતી થયેલા પતિઓના અનુભવનું સીધું પ્રસારણ

ખાસ નોંધ:- અમારી કોઈ શાખા નથી. સમર કેમ્પ દરમિયાન પકડાઈ જાઓ તો તેની કોઈ જવાબદારી અમારી રહેશે નહીં. તાલીમાર્થીઓના નામ સ્વીસ બેન્કના ખાતેદારોની માફક ગુપ્ત રાખવામાં આવશે.

Share this:

હાસ્ય કારો ઘણી વખત કહેતા હોય..જો તમારી નજર ( હાસ્યરસ ની ) તો તમને બધી જગ્યાએ થી હાસ્ય મળી જાય..

મારા એક મિત્ર હતા..હિંમત ભાઈ.ઘણી નાની ઉંમરમાં સ્વર્ગસ્થ થય ગયા .પણ તેમની વાતો સાંભળો એટલે હસી હસીને આપણું પેટ દુખવા મડે.. સામાન્ય વાત માં પણ તે હાસ્ય નો વઘાર એવો નાખે કે તમે હસ્યાં વિના રહી ના શકો..તો આજે તેમની એક વાત કહેવી છે..

એક દાદા દવાખાને ગયા..
ડોકટર..દાદા શુ થાય છે.
દાદા..ઝીણું ઝીણું કળતર રહે છે..અને માથું દુખે છે..
ડોક્ટરે તપાસ કરી..પછી કીધું. દાદા તાવ છે..ઇન્જેક્શન દેવું પડશે.
દાદા… સાબ ટિકડા આપી દયોને…
ડોકટર..ટિકડા પણ આપીશ પહેલા ઇન્જેક્શન લેવું પડશે…
દાદા..ઠીક છે..
ડોકટર..દાદા ટેબલ પર ઉંધા સુઈ જાવ..
ડોકટર..ઇન્જેક્શન લઈ..ડેટોલ નું પોતું લઈ જેવું દાદા દાદા ને ઘસ્યું… દાદા…ઓ ..માડી..ઓ બાપા.. ડોકટર કહે દાદા શાંતિ રાખો…
પણ જેવી સોઈ ભરાવી…દાદા કહે..હાશશશ..

હવે હસવાની વાત એ છે..કે…સોઈ ભરાવે ત્યારે બીક લાગે પણ આતો ઊલટું..રૂ..ફેરવ્યું ત્યારે દેકારો કર્યો…અને ..સોઈ..ભરાવી ત્યારે કે.હાશશશ😊😊☺️😢😢😢

ડાભી

Share this:

ચાર સાધુઓ એક મહિના સુધી મૌનવ્રત રાખીને મેડિટેશનમાં કરવા માટે હિમાલય ગયા. ત્યાં પહેલા દિવસે રાતે જોરથી પવન આવ્યો અને ગુફામાં મીણબત્તી ઓલવાઈ ગઈ.
પહેલા સાધુએ આંખો ખોલી અને “ઓ ભગવાન! મીણબત્તી જતી રહી” બોલીને ધ્યાનમાં બેસી ગયો.
બે કલાક પછી બીજો સાધુ પહેલા સાધુ તરફ જોઈને બોલ્યો, “પણ આપણે બોલવાનું નહોતું ને?” એટલું બોલીને તેણે આંખો પાછી બંધ કરી દીધી.
બે કલાક પછી ત્રીજો સાધુ અકળાયો, “તમે બે જણા ચૂપ રહેશો?” એટલું બોલીને એ મેડિટેશન કરવા લાગ્યો.
બે કલાક પછી ચોથા સાધુએ આંખો ખોલી અને હસતાં-હસતાં બોલ્યો, “જોયું! હું એકલો જ મૌન રહ્યો.”
સાર: ગાંડામાં અને ડાહ્યામાં ફરક એટલો જ છે કે એક દુનિયા સામે જોરજોરથી બોલતો થઈ ગયો છે જ્યારે બીજો મગજની અંદર બોલ બોલ કરે છે.
રાજ ગોસ્વામી

Share this:

ચાર સાધુઓ એક મહિના સુધી મૌનવ્રત રાખીને મેડિટેશનમાં કરવા માટે હિમાલય ગયા. ત્યાં પહેલા દિવસે રાતે જોરથી પવન આવ્યો અને ગુફામાં મીણબત્તી ઓલવાઈ ગઈ.
પહેલા સાધુએ આંખો ખોલી અને “ઓ ભગવાન! મીણબત્તી જતી રહી” બોલીને ધ્યાનમાં બેસી ગયો.
બે કલાક પછી બીજો સાધુ પહેલા સાધુ તરફ જોઈને બોલ્યો, “પણ આપણે બોલવાનું નહોતું ને?” એટલું બોલીને તેણે આંખો પાછી બંધ કરી દીધી.
બે કલાક પછી ત્રીજો સાધુ અકળાયો, “તમે બે જણા ચૂપ રહેશો?” એટલું બોલીને એ મેડિટેશન કરવા લાગ્યો.
બે કલાક પછી ચોથા સાધુએ આંખો ખોલી અને હસતાં-હસતાં બોલ્યો, “જોયું! હું એકલો જ મૌન રહ્યો.”
સાર: ગાંડામાં અને ડાહ્યામાં ફરક એટલો જ છે કે એક દુનિયા સામે જોરજોરથી બોલતો થઈ ગયો છે જ્યારે બીજો મગજની અંદર બોલ બોલ કરે છે.
રાજ ગોસ્વામી