Posted in छोटी कहानिया - १०,००० से ज्यादा रोचक और प्रेरणात्मक

ઉનાળાનો સમય છે ગરમી અને ઉકળાટ અતીસય છે ચૈતર મહિનાની લુ વાય છે. એવે વખતે જોગીદાસ ખુમાણ પોતાના સાગરિતો સાથે વગડામાંથી પસાર થઇ રહ્યા હતા. ત્યારે એક માલધારીની અઢાર વર્ષની દીકરી ઢોર ચરાવતી હતી.ચારે બાજુ સુનકાર છે. પક્ષી પણ ક્યાય દેખાતુ નથી. ઉજડ વગડામાં એકલી હતી.ત્યારે જોગીદાસ ખુમાણે પાસે જઇને પુછ્યું. કે દિકરી આવા ઉજડ વગડામાં એકલી ને બીક નથી લાગતી. ત્યારે એ દીકરીએ જે જવાબ આપ્યો તે સાંભળવા જેવો છે. દિકરી બોલી કે જ્યાં સુધી જોગીદાસ ખુમાણ બહારવટે છે ત્યાં સુધી કોની તાકાત છે કે કોઈ પણ બેન દિકરીયુ પર આંખ ઉંચી કરી ને જોઈ શકે. ત્યારે જોગીદાસ ખુમાણની આંખ માથી અશ્રુ વહેવા લાગ્યા કે મારા પર બેન દિકરીયુને કેટલો ભરોસો છે. અને જોગીદાસ ખુમાણ સૂરજ સામે હાથ જોડીને પ્રાર્થના કરી કે હે સૂરજદાદા મારૂં બહારવટુ પાર પડે કે ન પડે પણ રૈયત નો મારાપર ભરોસો છે તે કાયમ રાખજે.

ભલે ઉગ્યા ભાણ, ભાણ તોરા ભામણા મર જીયણ
લગી રાખજે કાછપતરાઉ,

બીજી એક ઘટના બની હતી ભાણેવા ના રાજમાતા માનતા ઉતારવા માટે દડવે ગયા હતા. અને વળતા સાંજ પડી ગઈ હતી. પોતાના સૈનિકો સાથે વગડામાં થી પસાર થઈ રહ્યા હતા. રાત પોતાનો અંધાર પછેડો પાથરી રહી હતી. અને તમરાઓ તમ તમ અવાજે બોલી રહ્યા હતા. દુર દુર ગામડાંમાં ઠાકર મહારાજની આરતી સમયે ઝાલરનો અવાજ સંભળાતો હતો. વગડાની ઝાડીમાંથી ચીબરી પોતાના કર્કશ અવાજે ભય ફેલાવી રહી હતી. ત્યારે દુરથી અવાજ આવ્યો કે હવે જ્યાં છે ત્યાં રોકાઈ જાવ. અને જેટલા ઘરેણાં હોય તે કાઢી આપો.
રાજમાતાએ પુછ્યું કે તુ કોણ છે. ત્યારે એ માણસે કહ્યું કે હુ જોગીદાસ ખુમાણ છુ. રાજમાતા બોલ્યા કે જોગીદાસ કોઈ દિવસ બેન દિકરીયુને ન લુંટે. વાતો કરવાનું બંધ કરોને ઘરેણાં ઉતારી દ્યો. રાજમાતા પોતાના ઘરેણાં ઉતારવા લાગી. ત્યારે દુર થી અવાજ આવ્યો કે કોણ છે.ત્યારે એ માણસે કહ્યું કે આવ જોગીદાસ આજ મોકો છે ભાવનગરની રાજમાતાને લુંટવાનો મોકો છે. આકડે મધ છે અને એ પણ માખીયુ વિનાનુ. ત્યારે જોગીદાસ બાપુ બોલ્યા કે કાઠીનો દિકરો કોઈ પણ બેન દિકરીયુને ન લુંટે માટે હાલતો થા. અને જોગીદાસ બાપુએ લુંટારાઓ ને તગડી મુક્યા અને રાજમાતાને ભાવનગર સુધી પહોંચાડવા માટે પોતે હારે હાલ્યા. પાદર આવતા જોગીદાસ બાપુએ રાજમાતાને કહ્યું કે હવે હુ જાવ છુ. ત્યારે રાજમાતા બોલ્યા કે જોગીદાસ ભાઈ રાજ દરબારમા હાલો હુ તમારા બહારવટા પાર પડાવુ. જોગીદાસ બાપુ એ કહ્યું કે બેન બહારવટા તો તલવારની ધાર પર પાર પડશે. અને એટલુ કહીને એ વિરપુરુષ અંઘારામા અદ્રશ્ય થઇ ગયો.

ગિરીશ રાબરિ

Author:

Buy, sell, exchange books

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s