Posted in छोटी कहानिया - १०,००० से ज्यादा रोचक और प्रेरणात्मक

ચતુર શિયાળ સામે શક્તિશાળી ગેંડો હારી ગયો

લેખક- નીલકંઠ વાસુકિયા (વિરમગામ)

રાત્રિનો સમય છે અને ઘનઘોર જંગલમાં ચારે બાજુ અંધકાર છવાયેલો છે. નિશાચર પ્રાણી અને પક્ષીઓના અવાજ સંભળાઈ રહ્યા છે. આવા સમયે વનનો રાજા માનવામાં આવતો સિંહ પણ સંતાઈને બેસી ગયો હોય તેમ લાગી રહ્યું છે. ત્યારે એક શિયાળ શિકારની શોધમાં નીકળ્યુ છે પરંતુ શિકારની શોધમાં નીકળેલ શિયાળ પોતે જ શિકાર બની જાય તેવી ઘટના બને છે. જંગલમાં રહેતો શક્તિશાળી ગેંડો પોતાને વનનો રાજા કહેવડાવે છે અને બધાં જ પ્રાણીઓને માર મારીને પરેશાન કરે છે. રાત્રીનાં સમયે ગેંડાની નજરમાં શિયાળ આવી જાય છે અને શિયાળને મારવા જાય એ પહેલાં ચતુર શિયાળ ગેંડાને પ્રણામ કરે છે. જેથી ગેંડો ખુશ થઈ જાય છે અને તેને પૂછે છે કે વનનો રાજા કોણ છે? શિયાળ તરત જ ચતુરાઈથી જવાબ આપે છે ગેંડા મહારાજ વનના રાજા તો તમે જ છો. શિયાળની પ્રશંસા સાંભળીને ગેંડો ખુશ થાય છે અને શિયાળને જીવતું જવાદે છે. આ ઘટના પછી જીવ બચાવીને શિયાળ વનના રાજા સિંહ પાસે પહોંચે છે અને આખી વાત કરે છે ત્યારે સિંહ કહે છે કે શિયાળભાઈ તમે તો મને ફરિયાદ પણ કરી શકો છો પરંતુ હું કોને ફરિયાદ કરું? આ સાંભળીને શિયાળ કહે છે મહારાજ આપ ચિંતા ન કરશો. આપણે બધા સાથે મળીને યુક્તિથી શક્તિશાળી ગેંડાના ત્રાસથી જંગલના બધાં જ પ્રાણીઓને મુક્ત કરાવીશું. ચતુર શિયાળની યુક્તિ પ્રમાણે રસ્તામાં એક મોટો ઉંડો ખાડો કરવામાં આવે છે અને તેમાં સળગતો અગ્નિ નાખવામાં આવે છે. જંગલના બધા જ પ્રાણીઓ સાથે મળીને ખાડા ઉપર લાકડા ગોઠવી દે છે અને તેના પર થોડું ઘાસ નાખીને પછી માટી નાખવામાં આવે છે. ચતુર શિયાળ શક્તિશાળી ગેંડાની સામે જાય છે અને ગેંડાને પડકાર ફેંકે છે. જેના કારણે ગેંડો ખૂબ જ ગુસ્સે થાય છે અને શિયાળની પાછળ દોડે છે. શિયાળનું વજન ઓછું હોવાના કારણે યુક્તિથી તૈયાર કરવામાં આવેલ ખાડા પરથી શિયાળ પસાર થઈ જાય છે અને પરંતુ ગેંડો તેના પરથી પસાર થઇ શકતો નથી અને ધડાકા ભેર ખાડામાં પડે છે. ખાડામાં રહેલ અંગારાના કારણે ગેંડાનું શરીર બળવા લાગે છે અને ગેંડો બચવા માટે બૂમ બરાડા પાડવા લાગે છે ત્યારે જંગલના બધા પ્રાણીઓ સાથે મળીને ખાડામાં માટી નાંખવા લાગે છે અને ગેંડાને ખાડામાં જ દાટી દેવામાં આવે છે. ત્રાસ આપતા ગેંડાના અંતથી પ્રાણીઓ ખુશીથી ઝૂમી ઉઠે છે. શિયાળની ચતુરાઈ સામે શક્તિશાળી ગેંડો હારી છે અને જંગલના પ્રાણીઓ ફરીથી ગેંડાના ત્રાસથી મુક્ત બનીને પ્રકૃતિના સાનિધ્યમાં જીવન જીવી રહ્યા છે.

Author:

Buy, sell, exchange books

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s