Posted in छोटी कहानिया - १०,००० से ज्यादा रोचक और प्रेरणात्मक

Atomic Habits Book Summary In Gujarati – પ્રસ્તાવના

હાઇસ્કૂલમાં બેઝબોલ રમતા રમતા એક છોકરો અકસ્માતે એટલી ગંભીર રીતે ઘવાયો કે એ કોમામાં જતો રહ્યો. એક વર્ષ પછી જ્યારે એ સાજો થઈને પાછો ફર્યો ત્યારે એને ખબર પડી કે એને યુનિવર્સિટીની બેઝબોલ ટીમમાંથી હટાવી દેવામાં આવ્યો છે. એ ચાર વર્ષની ઉંમરથી આ રમત રમી રહ્યો હતો અને એક એવી વ્યક્તિ જેણે પોતાનું સર્વસ્વ આ રમતને આપી દીધું હોય એની માટે આવી રીતે ટીમમાંથી અલગ થવું ખાસ્સું અપમાનજનક હતું. એ પોતાની ગાડીમાં બેસીને રડવા લાગ્યો અને મૂડ સુધારવા માટે રેડિયો પર કોઈ સારું ગીત શોધવા લાગ્યો.

અકસ્માત થવાના બે વર્ષ પછી એની જિંદગીમાં એક નિર્ણાયક વળાંક આવ્યો, જ્યારે એણે ડેનિસન યુનિવર્સિટીની કોલેજમાં જવાનું શરૂ કર્યું. ત્યાં જઈને એને ખબર પડી કે નાની નાની આદતોમાં કેટલી તાકાત હોય છે. પછી તો એને ડેનિસન યુનિવર્સિટીમાં ટોચના પુરુષ રમતવીર તરીકે પસંદ કરાયો અને એનું નામ ઇએસપીએન એકેડેમિક ઓલ-અમેરિકા ટીમમાં હતું – જે સન્માન આખા દેશમાં ફક્ત 33 ખેલાડીઓને જ મળ્યું હતું. ગ્રેજ્યુએટ થયો ત્યાં સુધીમાં એનું નામ કોલેજની જુદી જુદી રેકોર્ડ્સ બુક્સમાં આઠ શ્રેણીઓમાં લખાઈ ચૂક્યું હતું. યુનિવર્સિટીના સર્વોચ્ચ શૈક્ષણિક સન્માન પ્રેસિડેન્ટ મેડલથી એને નવાજવામાં આવ્યો.

આ બધું કેવી રીતે શક્ય બન્યું? કઈ રીતે એ છોકરાએ આટલી બધી સફળતા મેળવી? જવાબ છે આદતો. નાની-નાની આદતો જેણે આગળ જઈને મોટું સ્વરૂપ ધારણ કરીને સકારાત્મક પરિણામ આપ્યું. કેવી રીતે આદતો આપણને સફળતા કે નિષ્ફળતા સુધી દોરી જાય છે? કેવી રીતે સારી આદતો બનાવવી અને ખરાબ આદતોથી છૂટકારો મેળવવો? આ બધી જ બાબતો વિશે વિસ્તારપૂર્વક ચર્ચા કરવામાં આવી છે એટોમિક હેબિટ્સ નામના પુસ્તકમાં. અને ઉપર જે છોકરા વિશે વાત કરી એ છોકરો એટલે આ પુસ્તકનાં લેખક. મિત્રો આવનારા દિવસોમાં હું તમારી સાથે પુસ્તકમાંથી કેટલીક વાતો શેર કરીશ. જેથી તમે પણ એનો લાભ લઈને તમારા જીવનમાં હકારાત્મક પરીવર્તન લાવી શકો.

Author:

Buy, sell, exchange books

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s