Posted in छोटी कहानिया - १०,००० से ज्यादा रोचक और प्रेरणात्मक

“સાક્ષાત છે પંચતંત્રની વાર્તાઓ !!”
.
નાનપણમાં પપ્પુએ પોતાની-દાદી પાસે વાર્તા સાંભળેલી કે –
દાદી શરૂઆત કરતા -“ભારતની જનતા મૂર્ખ-ગરીબ છે અને અતિશય લાલચુ છે, જેમકે પંચતંત્રની વાર્તામાં તે બગ-ભગતની વાત સાંભળેલી છે?”
“નાઆંઆંઆં… દાદી-અમ્મા એ વાર્તા કહો નેએએએ …” પપ્પુ જીદે ચઢ્યો …
દાદી ચશ્મા ઉતારી –
“તો સાંભળ …
એક વૃદ્ધ બગ-ભગત હતો … બગ એટલે બગલો, સફેદ-ખાદીધારી બગલો … એ વૃદ્ધ થઇ ગયેલો … તે કારણે તેને વગર મહેનતે ખોરાક જોઈતો હતો … એટલે તેને એક ઠગ-સ્કીમ બાહર પાડતાં તળાવના માછલાં-દેડકાં-કરચલાંઓને તેની ઠગ-સ્કીમ સમજાવી… “અહીંથી દૂઉઉઉઉર એક મોટુઉઉઉ તળાવ છે… જ્યાં ક્યારેય પાણી સુકાતું નથી અને તેમાં અઢળક ખોરાક છે… જેને ત્યાં જવું હોય તેમને હું ત્યાં સાવ-મફતમાં લઇ જઈશ અને તેમની “ગરીબી-દરિદ્વતા” ખતમ થઇ જશે… કોને કોને પોતાની ગરીબી-દરિદ્રતા હટાવવી છે??”
બધા ગરીબડાં માછલાં-દેડકાં-કરચલાં તૈયાર થઇ ગયાં…
તે બગ-ભગત વૃદ્ધ ખંધો-લુચ્ચો બગલો… સફેદ-ખાદીધારી બગલો … જ્યારે તેને ભૂખ લાગે, ત્યારે તે સુકાઈ જવા આવેલા તળાવમાંથી એક-એક ગરીબ-દરિદ્ર માછલી-દેડકો ઉપાડી જાય …અને મોટા-તળાવમાં મફતમાં જવાની લાલચે તે ગરીબ-દરિદ્ર જીવ તે સફેદ-ખાદીધારી-બગલાને સાથ પણ આપે… પરંતુ, તે ખંધો-લુચ્ચો બગલો તે ગરીબ-દરિદ્રોના લાલચુ-મફતિયા સ્વભાવનો ફાયદો ઉઠાવતા, એ-જ સુકાઈ જવા આવેલા તળાવની નજીકના પથ્થર પર પટકીને મારી નાખે …અને તે ગરીબ-દરિદ્રયોને મારીને હાંસી ઉડાવતો તેમને ખાઈ જાય -“સાલા લાલચુ-મફતિયાઓ તમે મરવાને લાયક-જ છો!!! હાહાહાહાહા …”… એમ એ તમામ મફતિયા-લાલચુઓને મારીને ખાઈ ગયો અને જલસા કર્યા …
ભોળો પપ્પુ ગીન્નાયો -“દાદી અમ્મા એ વું લોકોને મારીને ના ખવાય”
દાદી ચશ્મા ચઢાવી પોતાના અણીદાર-નાકના છડે ગોઠવી ચશ્મા ઉપરથી મોટી આંખ બતાવતા-ડરાવતા, પછી ખંધુ હસતાં બોલ્યા -“આ તારી દાદીએ આ આર્થિક-સુકાઈ-ગયેલા ભારત-દેશના 90% ગરીબોને “ગરીબી હટાવો”નું સૂત્ર આપીને મૂર્ખ-લાલચુ-મફતિયા-જનતા પર 15-વર્ષ રાજ કર્યું છે … સમજ્યો પપ્પુ!!”
પપ્પુની આંખોમાં પણ સફેદ-ખાદીધારી બગ-ભગત બનવાનાં સ્વપ્ન સજાવાઈ ગયાં…

#
નોંધ – કોઈએ આ પપ્પુની ઓળખવિધિ કરવાની જરૂર નથી … આ બગ-ભગત દરેક નેતા અને ધર્મચારીના ચેલા રૂપે જન્મ લઇ ચુક્યા છે …
.

  • જયેન્દ્ર આશરા … ટાઈમલેસ…

Author:

Buy, sell, exchange books

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s