Posted in छोटी कहानिया - १०,००० से ज्यादा रोचक और प्रेरणात्मक

ગીતા પ્રભુ પ્રેમ નું પ્રદાન છે,


ગીતા પ્રભુ પ્રેમ નું પ્રદાન છે,
એ તો મા ની મમતાનું પયપાન છે.
ડગલે ને પગલે જીવનમાં સંગ્રામ છે..
દેખાતો ક્યાંયે ના રામ કે આરામ છે..
ધૈર્યભરી ધન્યતાનું ધામ છે,
એ તો મા ની મમતાનું પયપાન છે.

ખરેખર, ગીતાની ભાષા એ મા ની ભાષા છે. તેનાં દીકરા થઈને તેની પાસે જઇએ તો આપણને તરત ગીતા સમજાઇ જાય. પંડિત થવાથી ગીતા સમજાશે – તેવું લાગતું નથી. મારા પ્રભુએ મારા માટે ગીતા ગાઇ છે – તેવું લાગશે તો ગીતા આપણી સાથે ચોક્કસ બોલશે.
ગીતા ઘણી દ્રષ્ટિએ આકર્ષક છે . તેમાં બે ત્રણ વાતોનો વિચાર કરીએ .
૧. સર્વસ્ય ચાહં હ્રદિ સન્નિવિષ્ટો… હું બધાનાં હ્રદયમાં રહેલો છું . આ અેક અતિશય અનોખી વાત છે . તેનાથી આપણને અનોખું બળ પણ મળે છે અને જીવનમાં કંટ્રોલ પણ રહે છે .
૨. ગીતામાં અનેક જગ્યાએ વિવિધ પ્રકારનાં આશ્વાસનો છે . ચૌદ બ્રહ્માંડનો નાથ પોતે પોતાના હોઠ ફફડાવીને જે આશ્વાસન આપે તેની મહત્તા આપણે કેટલી ગણવાની !!!
૩. ત્રીજી વાત એટલે ગીતામાં ભગવાને કહેલો કર્મયોગ. આજનાં કાળમાં આપણને એની એટલી જરુર છે કે આજે બધું છે – જ્ઞાન છે, ભક્તિ છે, ધર્મ છે, કર્મ છે, કર્મકાંડ છે, મંદિરો છે, કથાઓ છે, તીર્થધામ ને તીર્થયાત્રા છે, દાનવૃત્તિ છે ને દાનકર્મ પણ છે – બધું છે… માત્ર કર્મયોગ નથી .
દાદાએ આજે ગીતાને ફરીથી જીવંત કરી છે. ને તેથી જ ગીતામાં કહેલા વિચારોનાં આધારે ને કહેલી રીતે આજે લાખો લોકો કર્મ કરી રહ્યાં છે. ને જીવન પણ જીવી રહ્યા છે. નહીંતર સળીનાં બે કટકા કરવાની વાત હોય તોય ‘ મળશે શું ‘ એવું પૂછાતું હોય તેવા આ કપરા કાળમાં લાખો લોકો પોતાનું ટીકીટ ભાડું પોતે ખરચીને ને પોતાનું ખાવાપીવાનું પોતાની સાથે લઇ જઇને ગામડે ગામડે ફરે એ આશ્ચર્ય નથી ? આપણને શું પડી છે કોઈની ? એવો જ વિચાર કરવા વાળા બધા દાદાનો સંગ મળતાં જ દોડવા લાગ્યા છે .
ગીતા મહાન છે જ… એમાં બે મત જ નથી. પણ તેનાં વિચારો આપણે જીવનમાં લાવીએ તો જ તેની મહાનતા આપણને કામની – આ વાત સૌને સમજાઇ ગઇ છે .
ગીતા જયંતિ ઉજવવાની આ અનેરી પદ્ધતિમાં આપણે પણ ક્યાંક હોઇએ તો ?
વિચારજો !!!

Author:

Buy, sell, exchange books

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s